धरान : प्रहरीले मोरङको कटहरी-१ मा एक १५ वर्षीय बालक, २४ वर्षीय आकाश परियारलाई लागुऔषध ब्राउन सुगर सहित पक्राउ गरेको छ ।
कोसी प्रदेश प्रहरी कार्यालय विराटनगरले जनाए अनुसार उनीहरूलाई लागुऔषध ब्राउन सुगर १ ग्राम २५ मिलिग्राम सहित लागुऔषध नियन्त्रण ब्युरो विराटनगरको प्रहरी टोलीले सोमवार दिउँसो पक्राउ गरेको हो ।
सोही दिन पथरी शनिश्चरे-१ का २२ वर्षीय धिरज गुरुङ, २४ वर्षीय नवराज मगरलाई २ ग्राम ४ मिलिग्राम ब्राउन सुगर प्रहरीले पक्राउ गरेको छ । उनीहरूलाई भारतबाट नेपाल आउँदै गरेको अवस्थामा विराटनगर-१५ बाट पक्राउ गरिएको हो ।
धरान-१५ का २१ वर्षीय सुनिल राईलाई प्रहरीले सुनसरीको भोक्राहा नरसिंह-५ बाट अवैध गाँजा सहित पक्राउ गरेको छ । उनलाई प्रहरी चौकी चिरौलीचोक प्रहरी टोलीले ५८ केजी ३ सय ग्राम गाँजा सहित पक्राउ गरिएको हो ।
यसैगरी विराटनगर-१८ झटियाहिमा बेवारिसे अवस्थामा राखिएको को २ ह १९६९ नम्बरको अटो सहित ६० केजी लागुऔषध गाँजा प्रहरीले बरामद गरेको छ ।